us din bahut ajeeb sa mann ho raha tha..kuchh nahin samajh aa raha tha..jaise, main kya kar rahi hoon..kya karna tha..mujhe kya karna hai..yahan tak ki jehan mein itne prashna the..ki kis kadar ek k baad ek prashna antas mein goonj raha tha..bayan kar paana mushkil hoga...baithi thi isi tarha ke hazaaron prashnon k athah saagar mein doobi hui....
abhi saamne aakar woh khadi ho gayi...bahut khoobsoorat nahin hai woh..rang bhi saanwala hai uska..ek latt bhi padi thi chehre par..gardan ko jhatk kar latt ko chehre se hatate hue usne mujhe dekha...bahut pyari hain uski aankhein...aur ek meethi si hansi hothon pe liye woh mujhe dekhne lagi....abhi maun ham ek doosre ko dekh rahe the..aur isse pehle ki mere prashnasagar mein kuchh aur prashna utpadit ho paate...usne dheere se meri kalai apne haath mein lee aur mujhe uthne ka ishara kuchh is tarha kiya ki...bina kuchh kahe sune main bhi uske saath chalne lagi...ab woh mujhe lekar bhage ja rahi thi..bhag rahi thi..aur bas bhaag rahi thi..bina mujhe mauka diye ki main koi prashna rakh sakoon..bas woh mera haath pakde bhaage ja rahi thi...ab tak main apna patience kho chuki thi..aur jhunjhlate hue haath chhudane hi wali thi kuchh kehte hue ki.....woh ruk gayi...aur ek shaitani wali hansi k saath meri taraf mujhe saamne dekhne ka ishara karte hue dekha...
aur saamne dekhne k baad main bhool gayi ki main kitni pareshaan thi..bas muskurane lagi..aur bas muskurane lagi...
kyonki samne tum khade the...yakeen maano mujhe khud se to yeh ehsaas hi nahin tha ki vastav mein main kya dhoondh rahi thi ...aur kyon pareshaan ho rahi thi....
tum jan-na chahoge ki woh kaun hai..woh koi aur nahin..zindagi hai
meri apni..jo ab tumhari bhi hai..us din pehli baar usne mujhe tumhein is tarha dikhaya jis tarha maine tumhein isse pehle kabhi nahin dekha tha..phhir us din tumhare jaane k baad usne mujhse pehli baar baat ki...aur boli.."abhi tak tu mujhse aur main tujhse juda ho kar chal rahe the..bahut koshish kee maine tere saath chalne ki..par tu pata nahin kaise chalti hai, ki main chah kar bhi tere saath nahin aa paayi...aur socha jaisa chal raha hai...badhiya hai..par aaj tujhe itna pareshaan dekhkar akele khushiyan batorne ki himmat nahi hui mujhmein..isliye tujhe apne saath lene chali aai..aur sunn ab bas main bolungi aur too sun-na..ab kuchh din mera haath pakad kar chal aur dekh ki zindgi aur kaisi ho sakti hai"...
..aur tab se main bhi apni zindgi ka haath pakde chal rahi hoon..n i must appreciate...waqai maine kabhi socha bhi nahin tha ki zindgi aisi bhi ho sakti hai..yahan har kadam par khushi milti hai..yahan badi khushiyon k intezaar mein chhoti khushiyon ko andekha nahi kiya jaata..yahaan tamnnayein khatam ho jaati hain..bahut sukoon hai yahan..bas khushi hai yahan....huhhhh!...
.....shayad isliye ki ab tum aur zindgi donon mere saath ho.
